طرق للنجاح في ايلتس

في هالموضوع راح اكتب عن تجربتي في امتحان الايلتس لاني ولله الحمد خذيت 5.5 

طبعا اولا انا مانجحت في هالامتحان الا من فضل الله سبحانه اولا ثم زميله تعرفت عليها في الجامعه خذت من اول امتحان قدمته 6.5 فطلبت منها انها تساعدني فاعطتني بعض المواقع والنصايح الي اعتمدت هي عليها بخصوص الامتحان...

القسم الأول: الاستماع

IELTS Listening

في هالموقع تدريب للسنينق بان تسمعين النص بعدين تحلين الفراغات واول ماتخلصين تقدرين اتشوفين الاجابات الصحيحة

وهذا هو الموقع

http://www.ielts-exam.net/index.php?...d=15&Itemid=64

نزلي تحت راح تلقين 

Practice IELTS Online - 1

وفيه اكثر من واحد انتي دشي اي واحد تبينه 

بعدين لما تفتحينه دشي على 

IELTS Listening - Section 1

وابدي في الاستماع

القسم الثاني: القراءة 

IELTS Reading

هالجزء هو عقدتي حتى اني جبت فيه 4.5

طبعا الكتاب الي بالانجليش في المرفقات مهم وفيه خطوات تساعد على تسهيل الحصول على الاجابه

ونصيحه هالكتاب اقروة دايما وخصوصا قبل الامتحان بيوم لان فيه شرح كامل للامتحان .

القسم الثالث: الكتابة

IELTS Writing

انا الي ساعدني في هالجزء هو اني درست لفل2انجليش في التاسيسي 

وكان الدكتور دايما يخلينا نكتب مواضيع في وقت قصير

مثلا في 20 دقيقة نكتب موضوع من 200 كلمة وفي هالعشرين دقيقة نشيك عالسبيلنق والقرمر ونعد الكلمات .

في كل موضوع تكتبينه اهتمي في تنظيم القطعة

وحطي فاصل بين كل فقرة والثانية لان الشكل يعطي انطباع جيد للمصحح

وبعد اهتمي انج تكتبين في المقدمة: 

In this essay I will write about……or In this essay I will describe the….

In this essay I will explain the…. 

مهمة واجد

في العرض:

كثري من ال

signal words

(First of all , first , second , third ,……

Next, then, however, although,…. )

ولا تنسين كلمات الربط

(and, so, because, but,….)

Example وعشان يكثر الكلام بعد كل نقطة تتكلمين عنها حطي

في الخاتمة:

اكتبي رايج

(In conclusion, in this essay I wrote about……., so I think that ……)

:Task1بالنسبه ل

وهو عبارة عن 150 كلمة 

ويكون عن شرح مخطط او رسم بياني او مقارنة بين صورتين

في هالقسم بس اشرحي الرسمة لا تزيدين 

مثال: يعني لما يجي مخطط عن نمو السكان في مصر

بس اكتبي زادت نسبة السكان من سنه كذا الى سنه كذا بنسبة كذا وبس !! ولا تكتبين شنهي اسباب هالنمو لانها راح تنقص الدرجة

:Task 2بالنسبه ل

قبل لا تبدين في الكتابة سوي خريطة ذهنيه عشان ترتبين افكارج وتشوفين اذا مالقيتي شي تكتبين عنه او ماعندج نقاط وايد تشرحينها تحاولين تفكرين انج اتزيدين كلام وامثله في النقاط الي تعرفينها عشان ماتبتلشين في نص الكتابه

وعشان ماتفكرين وانتي تكتبين اذا كتبتي 250 كلمة او اقل 

اول شي:

قسمي عدد الكلمات الي راح تكتبينها في كل فقرة

المقدمة: 50 كلمة

العرض:150 كلمه

الخاتمه: 50 كلمه

فانتي اول ماتخلصين المقدمة عدي الكلمات واكتبيها على جنب 

ونفس الشي للعرض والخاتمه عشان تعدينهم اول ماتخلصين

وطبعا عادي لو زدتي كم كلمة او نقصتي 

اخيرا

القسم الرابع: التحدث

IELTS speaking

بالنسبه لي هالقسم هو اكثر قسم تقدرين ترفعين فيه درجتج لانه اسهل شي

انا عن نفسي اشتركت في موقع يرسل لي كل يوم امتحان السبيكنق حق الايلتس الي يصير في اي دولة 

فانتي من خلاله ركزي عالمواضيع الي دايم تتكرر 

وفي المرفقات فية ملف وورد انا حاطة فيه الاسئله الي ارسلوها لي 

طبعا انا من ناحيتي احس اكثر شي لازم تركزون عليه هو اسئله ال

INTERVIWE

لانها ماراح تطلع من الي يرسله الموقع

ولا تنسين انج في هالقسم الابتسامه ماتفارق ويهج 

وخليج واثقه من الي اتقولينه

اما اسئله ال

Cue Card

ال Cue Cardنفس الشي ركزي على المكرر. اما انا طريقتي حفظت حوالي 8 فقرات من 7 او 8 سطور عن مواضيع مهمة والي من خلالها اقدر اجاوب عن اكثر من سؤال مثل: لما يسالوني عن هوايتي او عن احسن جهاز او اختراع فانا حفظت فقرة من خلالها اقدر اجاوب اي سؤال لان فقرتي كانت عن التصوير واني احب التصوير واني من خلال التصوير اقدر احتفظ بذكريات حلوة ومواقف جميلة الخ.. فهذا الكلام يفيد لما يسالوني عن احسن اختراع فراح يكون جوابي هو الكاميرا لانه من خلال الكاميرا اقدر احتفظ بذكريات حلوة ومواقف جميلة واذكري انواع الكاميرا الي تمتلكينها او الي تودين انج تشترينها الخ..

وبعد لما يسالوني عن افضل دولة او احسن عاصمة , فانا كتبت عن ايطاليا وعن اشهر الماكولات فيها واحلى الاماكن هناك وكتبت عن المدن واهم المعالم مثل فينيسيا وكتبت عنها ووصفتها وانها اكثر مكان يزورونه السياح لروعه الطبيعة و الممرات المائية الي فيها. 

فمن خلالها اقدر اجاوب على سؤالين افضل مدينه او افضل دولة.

فاهم شي لما تحفظين شي حطي اسباب ليه تحبين هالدولة او ليش تحبين هالاختراع او ما اهمية الانترنت وهكذا عشان اذا سالوج باي طريقه راح تكون عندج الاجابه.

فالمواضيع الي حفظتها هي:

1- الموسيقى المفضله لي

2- 2- افضل رياضة او لعبة.

3- افضل دولة ومدينة 

4- اهميه الانترنت

5- عن اعظم شخصية في حياتك 

6- صفات الصديقة المثاليه

7- احسن اختراع

8- هوايه

وهذا هو الموقع

http://www.ielts-blog.com/

في نص الصفحة راح تلقين مكان فيه

Name و email

اكتبي اسمج او اي شي بعدين حطي ايميلج

وبعدين اضغطي

Submit

اخر شي راح تلقون في المرفقات ملفات وورد فيها مساعده بالنسبه لكل جزء واسمحولي لان الكلام الي فيها مش منظم ,بالنسبة لي انا ما اعتمدت عليها وايد بس حبيت اني احط كل شي عندي عشان تستفيدون